Pasisir Kuta ya iku panggonan wisata kang ana ing sisih kidul Denpasar, kutha krajan Bali, Indonésia.[1] Kuta ana ing Kabupatèn Badung.[1] Pasisir Kuta iki kalebu wisata kang biyasa ditekani para turis mancanagara, lan wis dadi objèk wisata kang dadi andelan ing Pulo Bali wiwit taun 70-an.[1] Pasisir Kuta uga karan 'pasisir srengéngé angslup' (sunset beach) lawané saka Pasisir Sanur.[1] Pasisir iki pasiré warna putih kang nganti tekan laladan papan anggegana Bali, Ngurah Rai, lan laladan wisata Seminyak utawa Kerobokan.[1]
Ana ing Pasisir Kuta akèh tinemu toko-toko, rèstoran lan kanggo padusan sarta kanggo dhédhé.[2] Saliyané pasisirné kang apik, ing Pasisir Kuta uga akèh warna-warna kanggo hiburan, tuladhané ana bar lan rèstoran utawa warung mangan kang ana ing pinggir-pinggir pasisir mara ing Pasisir Legian.[2] Rosovivo, Ocean Beach Club, Kamasutra, ya iku klub sing ramé dhéwé ing Pasisir Kuta.[2]
Pasisir Kuta uga duwé ombak kang apik kanggo ulah raga selancar (surfing), mligi kanggo peselancar kang lagi ajar.[2] Saliyané iku panggonan wisata Pasisir Kuta uga cedhak saka papan anggegana Ngurah Rai saéngga nggampangaké para wisatawan kang arep mara ing Pasisir Kuta.[2]
- ↑ a b c d e Pasisir Kuta (Dipuntingali tanggal 8 Juli 2011)
- ↑ a b c d e Tempat Wisata Menarik di Bali - Pasisir Kuta Bali [pranala mati permanèn] (Dipuntingali tanggal 8 Juli 2011)